News

Déi ganz Schoulfoire iwwer – mee besonnesch dëse Sonndeg, den 19. Abrëll – ginn et nieft de sëllegen Ateliere ganz vill Highlights an der Luxexpo.

D’Laura Thorn op der grousser Bün erliewen, Showcooking mam Clovis Degrave vun der “Grünewald Chef’s Table” oder mam Ben Weber “La Bottega Gudde Kascht ”, Workshoppe mat Kënschtler wéi dem Alain Welter, dem Lisa Junius oder mam Kamellebuttek, e Planetarium besichen, mat Drone Fussball spillen an Ardenner-Päerd bei der Aarbecht nokucken: Déi ganz Schoulfoire iwwer – mee besonnesch dëse Sonndeg, den 19. Abrëll – ginn et nieft de sëllegen Ateliere ganz vill Highlights an der Luxexpo. Am Programm si si duerch dëst Symbol markéiert.

D’Schoulfoire ass ganz gutt mam ëffentlechen Transport erreechbar.

D’Schoulfoire ass ganz gutt mam ëffentlechen Transport erreechbar: den Tram hält net wäit vun der Entrée an och eng Busgare ass ganz no dobäi. D’Horaire fannt Dir hei. Wee mam Auto wëll kommen, fënnt um Areal vun der Luxexpo Parkplazen a limitéierter Zuel géint Bezuelung.

Da kommt an déi temporär Cafeteria Food4Brain an der Hal 8 oder bei ee vun den zwee Foodtrucks, déi op der Plaz sinn.

Da kommt an déi temporär Cafeteria Food4Brain an der Hal 8 oder bei ee vun den zwee Foodtrucks, déi op der Plaz sinn. D’Ekipp vu Restopolis bitt Iech do eng Auswiel un hausgemaachte salzegen a séisse Snacks un, esou wéi waarm a kaalt Gedrénks. D’Cafeteria ass op sonndes, den 19. Abrëll, vun 11:00 bis 18:00 Auer, méindes, den 20. Abrëll, vun 8:00 bis 15:00 Auer, dënschdes, den 21. Abrëll, vun 8:00 bis 17:00 Auer a mëttwochs, den 22. Abrëll, vun 8:00 bis 15:00 Auer op.

Hei sinn d’Ouvertureszäite vun de Foodtrucks: sonndes, den 19. Abrëll, vun 11:00 bis 17:00 Auer; méindes, den 20. Abrëll, vun 11:00 bis 15:00 Auer; dënschdes, den 21. Abrëll, vun 11:00 bis 17:00 Auer; mëttwochs, den 22. Abrëll, vun 11:00 bis 15:00 Auer.

Dir kënnt mat Bankkaart, boer oder mat der myCard bezuelen.

Am Kader vum Engagement vu Restopolis géint d’Liewensmëttelverschwendung ginn déi net verkaafte Produite gratis am Kader vun der Initiativ AntiGaspi2Go weiderverdeelt.

Näischt méi dran an denger Drénkwaasserfläsch? Da fëll se an e puer Minutten op.

An allen Hale vun der Schoulfoire gëtt et eng Drénkwaasserstatioun. Si ass mat engem Fändel markéiert a ka gratis benotzt ginn.

An all Hal ginn et Poubellen.

Trenn wgl. däin Offall a kuck op de Poubellen, wat wou dra kënnt. Hëllef mat, d’Schoulfoire propper ze halen an e Maximum ze recycléieren !

Op der Schoulfoire kritt Dir d’Geleeënheet, Är Froen direkt un d’Lycéeën ze stellen.

Si sinn all am Lycée Village an der Hal 8 regruppéiert. D’Regioune vum Land, an deenen d’Lycéeë schaffen, si mat verschidde Faarwe markéiert, sou dass Dir direkt de Lycée fannt, deen Iech interesséiert. Dir wëllt méi iwwer den Opbau vum Lycée Village wëssen an Iech scho mol iwwer déi verschidde Lycéeën dokumentéieren? Da luet den interaktive Plang vum Lycée Village erof. E Klick op déi verschidde Casë féiert Iech op d’Websäit vum jeeweilege Lycée. Am Lycée Village kënnt Dir Iech och um Infopoint guidéiere loossen.

All Äntwerten zur Beruffsausbildung ginn et um Shape Your Future-Stand am Entrées-Beräich.

D’berufflech Éischtausbildung zu Lëtzebuerg, dat sinn 130 diploméierend Formatiounen, dräi Zertifizéierungsniveauen – CCP, DAP, DT –, dräi Unterrechtssproochen an ongeféier 6.500 Schüler. Wien? Wat? Wéi? Wou? Wéini? Um Stand vun der Promotiounscampagne Shape Your Future, deen am Entrées-Beräich läit, kënnt Dir all Är Froe un d’Mataarbechter vum Ministère an un d’Vertrieder vun de Beruffskummere stellen: Chambre d’agriculture, Chambre de commerce, Chambre des métiers et Chambre des salariés.

Och dëst Joer bitt d‘Schoulfoire eng Hellewull un Aktivitéiten.

D’Schoulfoire ass interaktiv ! Hei kanns du dech net nëmmen informéieren a berode loosse fir deng schoulesch a berufflech Karriär: Hei kanns du matmaachen, upaken, schmaachen, selwer probéieren, deng Talenter asetzen an entdecken, wéi e Beruff dir läit! Ronn 200 Atelieren, Showen a Kompetitioune stinn iwwer déi véier Deeg vun der Schoulfoire um Programm. Wat wéini ugebuede gëtt, kanns du direkt an dëser Lëscht kucken. Du kanns dir awer och den interaktive Plang vun der Schoulfoire ukucken. Wann s du op déi verschidden Elementer klickt, gesäis du de Programm op deene verschidde Plazen.

Sonndes, den 19. Abrëll an dënschdesmëttes, den 21. Abrëll ass op fir de Grand Public.

Hei sinn d’Ëffnungszäiten am Detail:

• Sonndeg, 19. Abrëll vun 11:00 bis 18:00 Auer: Op fir de Grand Public.
• Méindeg, 20. Abrëll vun 8:30 bis 15:00 Auer: Reservéiert fir Schoulklassen.
• Dënschdeg, 21. Abrëll vun 8:30 bis 17:00 Auer.
  Moies: Reservéiert fir Schoulklassen vun 8:30 bis 13:00 Auer. Léierplazendag vun 8:30 bis 14:00.
  Nomëttes: Op fir de Grand Public vun 13:00 Auer bis 17:00 Auer & op fir d’SEAS (Maisons relais, Dagesfoyeren a Schoulfoyeren) an Dageselteren (Cyclen 3.2-4.2) vun 13:00 bis 17:00 Auer.
• Mëttwoch, den 22. Abrëll vun 8:30 bis 15:00 Auer: Reservéiert fir Schoulklassen.

Loscht, selwer mat unzepaken, iech d’Hänn knaschteg ze maachen an och mol am Buedem ze wullen ?

Méi wéi 120 Aktivitéiten, verdeelt op néng Formatiounswelten, waarden a op Iech an den Halen 8 an 9 vun der Luxexpo. Do kënnt Dir op eng spilleresch Aart a Weis déi vill verschidde Beruffer a Professiounen entdecken, op déi d’Schoulen a Lycéeën zu Lëtzebuerg virbereeden. Kommt eleng oder zesumme mat Ären Elteren oder Ärer Léierpersoun, gratis an ouni Umeldung am Viraus. D’Aktivitéiten daueren tëscht 10 an 20 Minutten. De Programm vun de verschiddene Beruffswelten fannt Dir Dag fir Dag op eisem interaktive Plang.

Schoulklasse musse sech fir d'Schoulfoire den 20., 21. an 22. Abrëll 2026 umellen.

Den 20., 21. an 22. Abrëll 2026 ass d’Schoulfoire reservéiert fir Schoulklassen. Léif Léierpersoune, kuckt an der Rubrik Inscriptiounen de Linken op déi jeeweileg Formulairë fir Klassen aus dem Enseignement fondamental (Aschreiwung an d’Atelieren op der Schoulfoire) an aus dem Enseignement secondaire (Umeldung fir d’Schoulfoire).

Ronn zwanzeg Mini-Entreprisë sinn e Sonndeg, den 19. Abrëll, vun 11 bis 18 Auer op der Schoulfoire present. Rendez-vous an den Halen 8 an 9.

Mini-Entreprisë ass e Programm vun der Jonk Entrepreneuren Luxembourg asbl, dat schonn Dausende vu Lycéesschülerinnen a Lycéesschüler Loscht op Entrepreneriat gemaach huet. All Joer huele Gruppen aus ville Lycéeën mat innovativen entrepreneuriale Projete drun deel.

Dir wëllt déi jonk Grënnerinnen a Grënner vu Mini-Entreprisë kenneléieren, hir Motivatioun spieren an hir Geschicht gewuer ginn? Ronn zwanzeg Mini-Entreprisë sinn e Sonndeg, den 19. Abrëll, vun 11 bis 18 Auer op der Schoulfoire present. Rendez-vous an den Halen 8 an 9.

Entdeck d'Beruffswelten andeems du beim Stempel Rallye matméchs!

Komm dir deng „Stempel Rallye“-Kaart um Stand Shape Your Future am Entrées-Beräich sichen a sammel Stempelen, andeems de bei de gratis Aktivitéiten an alle Beruffswelte matméchs. Du hues de Choix tëscht aacht Beruffskategorien, déi all duerch en Hashtag an de passende Stempel markéiert sinn. Soubal s du op d’mannst véier verschidde Stempele gesammelt hues, kanns de deng Kaart géint en individuelle Kaddo austauschen. Jee nodeem, wéi eng Kategorie dech am meeschten inspiréiert huet, kriss de: Schaffhändschen (#craft), e Miessband (#build), e Kit fir Peffermënz ze planzen ( (#plant), eng Täscheluucht (#control), en Textmarker (#manage),e Portmonni (#carefor), eng Fleegecrème (#style) oder e Schneidbrietchen (#taste).

Den 21. Abrëll vun 13:00 bis 17:00 Auer mécht d'Schoulfoire hir Dieren fir d’Servicer fir d’Bildung an d’Betreiung vu Kanner (Maisons relais, Foyers scolaires an Dagesfoyeren) an och fir Dageselteren (vu Kanner aus de Cyclen 3.2 a 4) op.

Nieft dem Zougang zu de Stänn an Atelieren, déi vun der Schoulfoire ugebuede ginn, waart och e besonnesche Programm op si, dorënner eng interaktiv Rallye,  déi et erméiglecht, déi verschidde Beruffswelten op eng spilleresch a participativ Aart a Weis ze entdecken. An der Arena 1 (Hal 7) fënnt déi spannend Show „Opgeblät an opgeblosen – de wëssenschaftleche Spektakel mat Ballonen a Seefeblosen“.  um 14:30 Auer statt. Net ze verpassen ass och d’Präisiwwerreechung vu „Loscht op Handwierk“ um 15:45 Auer, e Pilotprojet, deen d’Zil huet, d’Handwierksberuffer ze fërderen. D’Kanner aus dem Cycle 3 konnten an dësem Kader d’Beruffer vun der Pâtisserie an der Schräinerei entdecken an dobäi hir manuell Fäegkeeten a Kenntnisser weiderentwéckelen, wärend si hirer Fantasie fräie Laf loosse konnten. Kommt hiren Asaz gären applaudéieren.

A Collaboratioun mat der ADEM, RTL an de Beruffskummere gëtt dënschdes, den 21. Abrëll 2026 de Léierplazendag am Kader vun der Schoulfoire organiséiert.

A Collaboratioun mat der ADEM, RTL an de Beruffskummere gëtt dënschdes, den 21. Abrëll 2026 vun 8:30 Auer bis 14:00 de Léierplazendag am Kader vun der Schoulfoire organiséiert (Halen 8 an 9). De Rendez-vous fir all Jonken, deen op der Sich no senger éischter Léierplaz ass, an all Erwuessenen, deen eng Ausbildung maache wëll – och iwwert d’Grenzen eraus –, fir a Kontakt mat Lëtzebuerger Entreprisen ze trieden.